السلام عليكم -- صبحكم الله بالخير أغاتي شلونكم شخباركم الكل بخير الحمد والشكر لله
يابه اليوم أبشركم جانه ضيف جديد مية هلا بيه -- اي والله مية هلا عيوني -- هذا بس لا يخربط الأمور علينا -- الضيف يابه شتكولون لو أنروح نضرب مشاوي مشكل ( يعني - تكة -معلاك - جلاوي -قلب -- بيض غنم -- حلولو -- ليه يعني شحم)شتكولونا لئن أني ما اكدر أكل هواي هيج شي للمجاملة شيش شيشيين -- لا عيوني أحنه متفقين من البارحة اليوم جلفراي ومخلمة -- ها خوش ياله توكلوا بالله -- وصلوا المطعم -- السلام عليكم وعليكم السلام ورحمة الله وبركاته -- كل الهلا أغاتي أتفضلوا استريحوا -- كعدوا -- اجاهم -- شتاكلون اغاتي -- كله جبيرهم يابه أربعة مخلمة وأربعة جلفراي وداري أبويه لا تقصر وليدي -- صار عمي تدلل -- واحد منهم كاله أبو فلان أشوا ضيفك هو ضيفنا بس اشوا موصيتله على اكل -- كال موا هو كال اني اكل شي بسيط -- فمقبلوا وصاحوا على البوي -- أجه نعم عمي اأمرني كله شوف أبو فلان شياكل -- ابو فلان شتاكل -- كله شي بسيط أشعدكم -- كله أنته شنوا اللي أتريده كله جيب مثل الجماعة -- بس قلل من البصل والطماطة بالمخلمة وكثر من اللحم المثروم وشويه ليه وياه ولتنسه صمون ماأريد جيب بس خبز ولبن دولكه بارده --- كول أجه الطلب وبلشت الزلم أكلت والعينتين -- ساك على الأكوا والماكوا وبلش يتناوش من صاحبة ياكل ويسولف --- نظف المواعين بحيث المواعين من الميز كبل للديلاب -- بألف عافية -- كول فضت -- وشربوا الجاي وعلى السريع كلمن لزم دربه -- حتى متفقوا على باجر وين الريوك وشراح يتريكون
لديرون بال باجر الصبح نتلاكه ونشوف
أشراح نتريك
باجر انتظروا -- جايكم الصبح
كتلكم يا مطعم الي أكلنه بيه مخلمة وجلفراي -- أكيد لا
لئن ميحتاجلها عذر -- المهم عيوني بمطعم حجي محسن
يمنع النقل والشهار بدون موافقة
أدارة منتدى العراق
حصريا -- يوميات من أشراح نتريك -- طقوس عراقية - اليوم الخامس
السبت أكتوبر 08, 2011 11:21 pm
