السلام عليكم -- صبحكم الله بالخير أغاتي شلونكم شخباركم الكل بخير الحمد والشكر لله
عيوني اليوم باكله بالدهن الحر يم قدوري -- تعالوا نتريك سويه
أكيد محد راح يتناقش اليوم لئن من البارحة متفقين على اليوم نضرب باكله يم قدوري
وصلنه قدوري -- دخلوا المطعم السلام عليكم -- ردو اهل المطعم وعليكم السلام ورحمة الله وبركاته مية هلا أغاتي تفضلوا أهنا ستريحوا ماكوا كعده جوه مقبط -- كعدوا الخوال -- الله ابو الخير -- ردو الله ابو الخير-- اجاهم الي يسجل الطلب -- خالوا اكيد أربع نفرات لئن انتو اربعة -- رد عليه جبيرهم -- لا خالوا جيب دبل يعني اتنزل أربع صواني كل صينيه بيها نفرين -- وداري بالتفركع يعني أريد اشوفه للدهن الحر موا بس أشتم ريحته ولتنسه الطرشي والبصل -- والبطنج -- جاوب الي سجل الطلب تأمر أمر خالي بخدمتكم صار تدلل عيوني ---- أتأخر الطلب ربع ساعة عاطوا على ابو المطعم وين الطلب خالوا شنوا السالفة نبقى للغده -- رد عليهم ابو المطعم تأمرني خالي بخدمتك -- صاح على المطبخ وين الطلب مال عمامك ياله ابويه خف ايديك وداري على السريع وليدي -- اجه الطلب -- وبلشوا بالأكل -- نسفوها الصواني -- تكول عبالك مغسولات -- وراها أجاهم الجاي -- ضربوا كل واحد أستكانين -- وطلعوا بره المطعم بأجر وين ضلوا واحد أيجر بالطول واحد ايجر بالعرض كول أتفقوا -- باجر يتريكون كباب من مطعم كباب الربيعي -- وتوكلوا بالله كلمن على باب رزقه
بس لا تنسون موا باجر أتكولون
أشراح نتريك اليوم
لئن باجر ريوكنه كباب يم كباب الربيعي
أودعناكم عيوين
يمنع النقل والأشهار بدون موافقة
أدراة منتدى حب العراق
حصريا -- يوميات من أشراح نتريك -- طقوس عراقية - اليوم الثاني
السبت أكتوبر 08, 2011 8:41 pm
