السلام عليكم -- صبحكم الله بالخير أغاتي شلونكم شخباركم الكل بخير الحمد والشكر لله
عيوني شفتوا البارحة أبو فلان أيريد يضرب جدول يوم الخميس بعرض الحايط
دنشوف اليوم منوا من الاخوان راح ايسويله دالغة -- لضوجون ميصير بيها طعم بليه ملح
اجوي -- السلام عليكم وعليكم مية هلا -- شكوا ماكوا ما كوا ألا الخير-- أكلك أشوا أنته اليوم غباش وأكف بالركن -- هاي شنوا أنته اتريد أسويه وحده بوحده وروحه الأبويه ماكوا شي -- كله ما أصدك الأه أخم شعرك من يم علباتك -- خما ماكوا عصب وأكف ولا أكوا ارطوبه --عاد كله خوش برائه -- يالله نتوكل ياله نتوكل
وصلنه يم كبة أبو احمد --- السلام عليكم وعليكم عيوني مية هلا أغاتي تعال وليدي شوف عمامك وين يعجبهم ايكعدون بره جوه -- لا خالي خلينه بره نشم هوى -- تأمرون عيوني
كعدوا -- الله ابو الخير ردو الله ابو الخير -- اجاهم ايشوفهم شيريدون واحد واحد ديسئل جاوبه واحد منهم وليدي روح جيب أربع مواعين كل ماعون بيه دبل يعني كبايتين وجهز نفسك بس أاشرلك نزل أعوازه كل واحد كباية -- ولتنسه وليدي أربع كاسات سوب معدلة أووياك 8 كرص خبز حارات وداري بالبصل والطرشي وليدي لاتنسى الفلفل الأسود والصمون الغيه بس خبز
صار عمي تدلل -- طبعا مطاعم أهل قبل تتحله بالنفس الطيبة والكريمة والمواد الدرجة اولى رغم المطاعم عادية ومنها شعبية
وشوف سبحان الله كل البركة بأكلهم وطعم مينسي
كول أكلوا وكملوا وأكيد الجاي طبعا شلون ننساه
وأذا موا جايين سوية ميصير الها طعم خالوا
هسة بقى باجر اشراح نتريك -- ضلوا يلغون بيناتهم الحد ما وصلوا الى انوأ باجر
نتريك جلفراي ومخلمة
أغاتي باجر الريوك عرفتوا شنوا -- اذا عاجبكم أنتظرونا نجي ناخذكم ويانا
يمنع النقل والأشهار بدون موافقة
أدارة منتدى العراق
حصريا -- يوميات من أشراح نتريك -- طقوس عراقية - اليوم الرابع
السبت أكتوبر 08, 2011 10:46 pm
