السلام عليكم -- صبحكم الله بالخير أغاتي شلونكم شخباركم الكل بخير الحمد والشكر لله
عيوني اليوم تعرفون الريوك
كباب يم كباب الربيعي
اكول ليش منغير اليوم فقرة الكباب ونضرب كاهي وكيمر -- دسكت يمعود موا كلنه الكاهي والكيمر بس يوم الخميس شنوا سالفتك ابو فلان اكوا شي بعبك -- لا يا خويا ماكوا شي خليت بيها أنى -- دياله توكلوا هاي بعدك متريكت سويتلكه سالفة الله يستر ورى الريوك -- ياله هسة وصلنه لكباب الربيعي -- السلام عليكم --ردو اهل المطعم وعليكم السلام عيوني مية هلا اتفضلوا أغاتي -- كعدوا -- اجاهم ابو الطلبات -- الله ابو الخير ردو الله ابو الخير -- أغاتي أشتامرون اربع نفرات على عددكم لو أتريدون أضافة -- جاوبه واحد منهم كله وليدي شنوا شفتنه ولد انفاس حتى اتجيبلنه كل واحد نفر -- عيني روح خلي على النار كيلو كباب او ورى ما تنزل الكيلو على الميز بنص ساعة اتصعد على النار أربع نصاص أعوازه وكثر من الطماطة المشويه والبصل المشوي والممشوي والسماك والطرشي وفوك الينزل ويه الطلب فد 15 كرصة خبز حارات وتوصى باللبن كون بارد وحامض ومالح -- ابو الاربع نفرات --- أجاهم الطلب وبعد نص ساعة نزل الأعوازه -- وهذه مسئلة كلش طبيعية بالأكل حتى لو كان ريوك - وتريكوا على حسب الأصول -- وراها اجاهم الجاي -- ومن دفعوا احساب كلوله لابو المطعم حجي لازم صانعك تريكه بسكت وحليب -- ضحك ابو المطعم -- وطلعوا -- يتناقشون -- بموضوع صاحبهم الي ايريد يغير جدول الخميس -- وخلوه وسطاني وبلشوا تصنيف وتمزيق -- لحد ما كال حقي برقبتي -- وبعدين -- تناقشوا
أشراح نتريك باجر
كول فضت اللغوا مالتهم وتفقوا يتريكون باجر
كبة من ابو أحمد
أغاتي ترى باجر كبة -- ننتظركم باجر ونشوف أشراح ايصير ميصير من سوالف
يمنع النقل والأشهار بدون موافقة
أدارة منتدى العراق
حصريا -- يوميات من أشراح نتريك -- طقوس عراقية - اليوم الثالث
السبت أكتوبر 08, 2011 10:02 pm
