صافن وأفكر بيك وإيدي عله خدي *** دوم أشتاگ لك وداعة المرحوم جدي
غريبه شلون انكسر خاطر الجرح *** حن عله كلبي وماعاد ذاك الوكح
والله أحبك موت وفدوه آنه أروح إلك *** غالي عله گلبي وبالدنيه أبد ما بدلك
الدهر صاير جاي ولدنية قوري *** ليش اليحب يهواي ينضرب بوري
عراق ياريحة أهلنه وهلة بشاير *** ياعگال فوگ الراس يالمة عشاير
عندك يا بعد هالروح مهله اخيره *** لو يحن كلبك لو احرك الديره
طار كلبي من ضلوعي ورايد يجيلك *** شايل رسايل شوك ودي تقراهن دخيلك
مخبل تريد انساك يابو الجدايل *** مو بيدي احبك والكلب مايل
كافي عتب يهواي وكافي ملامه *** خلي الليالي تمر برد وسلامه
انت حبي الوحيد وغيرك ابد ماريد *** اشلون انساك وانت عايش بلوريد
الكلب حفر اسمك بخطوط *** وروحي بجسمي حفرت ذكرياتك بسطور
عراق مهد الحضاره ويشهد التاريخ *** وطن الأمجاد وتعدت هيبته المريخ
محبوبي ايه من الحسن والدلع ظبياني *** والشفه توت وكرز وتنكط عسل رباني
اقسم قسم بالله غيرك ماشغل تفكيري *** يابو شفايف عسل والخد جبنة كيري
هاك اخذ كلبي وياك محلل وموهوب *** والعمر يرخص لجل عينك يااعز محبوب
عراق العز وطنه وجبل مايهزه ريح *** عطر جنه بترابه ومايصح الا الصحيح
كل شي إنتهه ومايسوه الغرام الشايله بگلبي *** خدعني بزيف المشاعر وبليله هدني وهجر دربي
غريبه شلون تنساني ولا ترسل مراسيل *** ماهزك دمع عيني وسهر ليلي الطويل
دارمي غزل 
الأربعاء يونيو 04, 2014 8:25 pm
